ဝိဂတပစ္စယောဆိုတာ ဒီစိတ်ကင်းပြတ်ပြီးနောက် နောက်စိတ်ဖြစ်တာကို ၀ိဂတပစ္စယောလို့ ခေါ်ပါတယ်။ သူက နတ္ထိပစ္စယောနဲ့ တော်တော်လေး ဆင်ပါတယ်။ နတ္တိပစ္စယော ဆိုတာက ရှေ့စိတ် မရှိတော့လို့ နောက်စိတ် ဖြစ်တာ။ မရှိတာနဲ့ ကင်းပြတ်တာပဲ ကွာတယ်။ မရှိတာက ရှေးရှေးစိတ်တွေ ဖြစ် တည် ပျက် ပြီးတဲ့နောက်မှာ ပျက်သွားပေမယ့် နည်းနည်း ကျန်သေးတယ်။ အဲဒီလို ကျန်နေသေးရင် ၀ိဂတက ကျေးဇူးမပြုသေးဘူး။ ရှေးစိတ်ရဲ့ အရှိန်အ၀ါတွေ အစွမ်းသတ္တိတွေ လုံးဝကင်းပြတ်သွားမှ ကျေးဇူးပြုတာ ထောက်ပံ့တာ ကူညီတာမျိုးကို ၀ိဂတပစ္စယောလို့ခေါ်ပါတယ်။ နည်းနည်းလေး ကွဲပေမယ့် ကျေးဇူးပြုပုံပြုနည်း မတူလို့ ဘုရားရှင်က နှစ်မျိုး ခွဲဟောတော်မူထားပါတယ်။ ရှေးဆရာတော်ကြီးများ ဥပမာပေးတာက နေရောင်ကွယ်ပျောက်သွားမှ လရောင်ရောက်လာသလို ကျေးဇူးပြုတာကို ၀ိဂတပစ္စယောလို့ ခေါ်ပါတယ်တဲ့။ ကျွန်တော် ဒီ ပဋ္ဌာန်းကို ရေးတာ ဥပနိဿယပစ္စယော တစ်ခုတည်းကိုပဲ ရေးချင်တာပါ။ အဲဒါကိုပဲ ကျွန်တော် ထဲထဲဝင်ဝင်သိပါတယ်။ ကျန်တာတွေကို သိပ်မသိပါဘူး။ သို့သော် တောင်မြို့မဟာဂန္ဓာရုံဆရာတော်ကြီး အရှင်ဇနကာဘိဝံသရဲ့ အခြေပြုပဋ္ဌာန်းတရားတော် ဆိုတဲ့စာအုပ်က ကျွန်တော့်ဆီမှာရှိတယ်။ ဒါနဲ့ စာအုပ်အားကိုးပြီး ကျွန်တော် အစကနေ ရေးလိုက်ပါတယ်။ ဆရာတော်ရဲ့ စာအုပ်ကို ကျွန်တော် နားလည်နိုင်စွမ်းနဲ့ ဖတ်ခဲ့တယ်။ အဲဒါကိုပဲ ကျွန်တော် နားလည်နိုင်စွမ်းနဲ့ ပြန်ရေးပါတယ်။ ဒီမှာ ဘာအခက်အခဲ ရှိလည်းဆိုရင် ဆရာတော်က ပစ္စည်းတိုင်းကို ဖွင့်ပင် ဖွင့်သော်ငြားလည်း တချို့ပစ္စည်းကို နည်နည်းဆို နည်းနည်းလေးပဲ ဖွင့်သွားတဲ့အတွက် ပင်ကိုယ်ဉာဏ်စွမ်းမရှိတဲ့ ကျွန်တော်ဟာ အဲဒီ နည်းနည်းလေးကိုပဲ လိုက်ရေးနေရပါတယ်။ အဲလို နည်းနည်းကလေးပဲ ဖွင့်ရာမှာ တော်တော်လေး နည်းသထက်နည်းတာက ဒီ ၀ိဂတပစ္စယောပါပဲ။ ဒီတော့ ရေးပြရတော်တော်ခက်သွားတယ်။ သို့သော် ၀ိဂတပစ္စယောမှာ ကျွန်တော်နားလည်လိုက်တာက လူတွေအားလုံး ယုံကြည်တဲ့ ငါရှိတယ် သူရှိတယ် စတဲ့အတ္တတွေဟာ ၀ိဂတပစ္စယောတို့လို ပစ္စည်းထောက်ပံ့နေပုံမျိုးကို နားလည်လိုက်မယ်ဆိုရင် အတ္တတွေ ပိုကင်းသွားနိုင်လိမ့်မယ်လို့ ယုံကြည်ပါတယ်။ ပဋ္ဌာန်းပစ္စည်းတွေဆိုတာ လူတိုင်းမှာ ဖြစ်နေတဲ့ တရားတွေပါ။ ဒီမှာဆိုရင် စိတ်ဟာ ရှေ့စိတ်တွေ ကင်းပြတ်သွားမှ နောက်စိတ်တွေ ဖြစ်တာပါ။ ရှေးစိတ်တွေ လုံးဝပြတ်ထွက်သွားပါတယ်။ ကျွန်တော်တို့ နားလည်ထားတာ တစ်ခုရှိတယ်လေ။ ကျွန်တော်တို့ဟာ ရုပ်နဲ့နာမ်ပဲ ရှိတယ်လို့။ ကင်းပြတ်သွားတာ မှန်ပေမယ့် ကင်းပြတ်သွားတယ်လို့ မထင်အောင် အ၀ိဇ္ဇာတရားတွေက ဖုံးလွမ်းထားပေးတယ်လေ။ ဒါပေမယ့် ဒါတွေဟာ တရားထိုင်ဖူးမှ သိမယ့်အရာတွေလည်း ဖြစ်တယ်။ ပြီးတော့ ပဋ္ဌာန်းနောက်ပိုင်းက အဘိဓမ္မာပိုင်းသက်သက်ပဲ ဖြစ်ပါတယ်။
ဝိဂတပစ္စယော
Related Posts
Subscribe
0 Comments